Aozañ gwelloc'h ar yec'hed 'ba Menez Are gant ar CPTS
An 11vet CPTS ‘ba Penn-ar-Bed eo CPTS Menez Are, CPTS evit Communauté Professionnelle Territoriale de Santé. Gant gouarnamant Bro-C’hall e vez bountet evit ma vo savet seurt emglevioù 'zo o fal skoazell da aozañ ar sistem yec’hed war an tiriad. Nevez 'zo e oa bet sinet an emglev etre Ti ar yec’hed ‘ba Sizun hag an ARS da ofisialisaat an hini zo bet krouet tro-dro da Di ar yec’hed ‘ba Sizun, just mat.
Benjamin Frankaert 'zo medisin hollegour staliet ‘ba Sizun, o kemer perzh hardi ‘bar raktres. Displeget en deus da Erwan Blanchard pal ar CPTS.
